മഞ്ചേശ്വരം: 'അരുതായ്‌മക്കെതിരെ ധര്‍മ്മായുധമേന്തുക' എന്ന സന്ദേശവുമായി എസ്.വൈ.എസ് മഞ്ചേശ്വരം മേഖലയും ഖിദ്‌മത്തുല്‍ ഇസ്‌ലാം അസോസിയേഷന്റെയും സംയുക്താഭിമുഖ്യത്തില്‍ സംഘടിപ്പിച്ച സുന്നി ആദര്‍ശ സമ്മേളനവും ജമിഅ: സഅദിയ്യ: അറബിയ്യ, സിറാജുല്‍ ഹുദ എന്നീ സ്ഥാപനങ്ങളുടെ വാര്‍ഷിക സമ്മേളനങ്ങളുടെ പ്രചാരണ പരിപാടി മച്ചമ്പാടി പാപ്പിളയില്‍ പ്രത്യേകം സജ്ജമാക്കിയ മര്‍ഹും കൊപ്പള മുഹമ്മദ് ഹാജി നഗറില്‍ മുഹമ്മദ് സഖാഫി പാത്തൂറിന്റെ അധ്യക്ഷതയില്‍ സെയ്യിദ് ഉമറുല്‍ ഫറൂഖ് അല്‍-ബുഖാരി പൊസോട്ട് ഉദ്ഘാടനം ചെയ്തു. സുന്നി ആദര്‍ശ സമ്മേളനത്തില്‍ എസ്.വൈ.എസ് സ്റ്റെറ്റ് പ്രസിഡന്റ് മൗലാന പേരോട്‌ അബ്‌ദുറഹ്‌മാന്‍ സഖാഫി മുഖ്യപ്രഭാഷണം നടത്തി. പരിപാടിയില്‍ അയ്യൂബ് ഖാന്‍ സഅദി കൊല്ലം, സാജഹാന്‍ സഖാഫി എറണാകുളം, ഉമറുല്‍ ഫറൂഖ് മദനി മച്ചംമ്പാടി, പള്ളങ്കോട് അബ്ദുല്‍ ഖാദര്‍ മദനി തുടങ്ങിയവര്‍ പ്രസംഗിച്ചു. ജമിഅ: സഅദിയ്യ: അറബിയ്യ, സിറാജുല്‍ ഹുദ എന്നീ സ്ഥാപനങ്ങളുടെ വാര്‍ഷിക സമ്മേളനങ്ങളും എസ്.എസ്.എഫ്. മഞ്ചേശ്വരം സെക്‌ടര്‍ സമ്മേളനവും വിജയിപ്പിക്കാന്‍ സമ്മേളനം തിരുമാനിച്ചു. മുഹമ്മദ് കുഞ്ഞി സഖാഫി തൊക്ക സ്വാഗതവും പ്രോഗ്രാം കണ്‍ വിനര്‍ അബ്ദൂറഹ്മാന്‍ ഹാജി മദീന നന്ദിയും പറഞ്ഞു.
