|
Tuesday, February 01, 2011
മസ്ക്കറ്റ്: മള്ഹര്‍ നൂരില്‍ ഇസ്ലാമിതഅലീമി എന്ന സ്ഥാപനത്തിന്റെ വിദ്യാഭ്യാസ വിനിമയ പദ്ധതിയുടെ ഭാഗമായി മസ്ക്കറ്റിലെത്തിയ ചെയര്‍മാന്‍ സയ്യിദ് മുഹമ്മദ് ഉമറുല്‍ ഫാറൂഖ് അല്‍-ബുഖാരിക്ക് മള്ഹര്‍ മസ്ക്കറ്റ് കമ്മിറ്റി സ്വീകരണം നല്‍കി. തുടര്‍ന്ന് നടന്ന പ്രാര്‍ത്ഥന സമ്മേളനത്തിന് തങ്ങള്‍ നേതൃത്വം നല്‍ക്കി. ആത്മാര്‍ത്ഥമായ പ്രവര്‍ത്തനത്തിനും നിഷ്കളങ്കമായ കര്‍മ്മത്തിനും ഏറെ ഗുണഫലങ്ങളുണ്ടാകുമെന്നും മുസ്ലിം സമൂഹത്തിന്റെ ദ്രുതഗതിയിലുള്ള വളര്‍ച്ചക്കൊപ്പം ഇസ്ലാമിന്റെ മഹത്തായ പാരമ്പര്യം മുറുകെ പിടിച്ച് വളരണമെന്നും തങ്ങള്‍ ആഹ്വാനം ചെയ്തു.
മള്ഹറില്‍ മീലാദ് ജല്‍സയും സ്വലാത്ത് ദുആ സമ്മേളനവും ഫെബ്രവരി 24-ന്
മള്ഹര്‍: മള്ഹര്‍ നൂരില്‍ ഇസ്ലാമിതഅലീമിയയില്‍ നബിദിനത്തോടനുബന്ധിച്ച് നടത്തുന്ന മീലാദ് ജല്‍സയും മാസാന്ത സ്വലാത്ത് മജ് ലിസും ഫെബ്രവരി 24-ന് നടത്താന്‍ തീരുമാനിച്ചു. ഒരു മാസം നീണ്ട് നില്‍ക്കുന്ന പരിപാടികള്‍ മള്ഹറിന്റെ കീഴിലുള്ള സ്ഥാപനങ്ങളില്‍ നടത്തപ്പെടും. ഫെബ്രവരി 24-ന് വിവിധ വിഷയങ്ങളെ ആസ്പദമാക്കി മള്ഹറില്‍ രാവിലെ മുതല്‍ ആരംഭിക്കുന്ന ക്ലാസ്സ് വൈകുന്നേരം വരെ നീണ്ട് നില്‍ക്കും. വൈകുന്നേരം നടക്കുന്ന സ്വലാത്ത് ദുആ സമ്മേളനത്തിന് സയ്യിദ് മുഹമ്മദ് ഉമറുല്‍ ഫാറൂഖ് അല്‍-ബുഖാരി നേതൃത്വം നല്‍കും. മറ്റ് വിശിഷ്ട വ്യക്തിത്വങ്ങള്‍ വേദിയില്‍ അണിനിരക്കും. "തിരുനബി ദര്‍ശനം" എന്ന വിഷയത്തെ ആസ്പദമാക്കി ഇസ്മായില്‍ മിസ്ബാഹി ചെറുമോത്ത് ആത്മീയ ഉപദേശം നല്‍ക്കും. ദുആ സമ്മേളനത്തിന് മുമ്പായി പ്രവാചക പ്രകീര്‍ത്ഥന സദസ്സും സംഘടിപ്പിക്കും.
Subscribe to:
Posts (Atom)
