മലപ്പുറം: രാഷ്‌ടീയ അജണ്‌ടകള്‍ നടപ്പിലാക്കാന്‍ മതസ്ഥാപനങ്ങള്‍ ദുരുപയോഗം ചെയ്യുന്നത്‌ ഖേദകരമാണെന്നും രാഷ്‌ടീയത്തിന്റെ പേരില്‍ മതസ്ഥാപനങ്ങളില്‍ സംഘര്‍ഷം സൃഷ്‌ടിക്കുന്നത്‌ അനുവദിക്കാനാകില്ലെന്നും എസ്‌വൈഎസ്‌ ജില്ലാ സെക്രട്ടറിയേറ്റ്‌ അഭിപ്രായപ്പെട്ടു. മലപ്പുറം ജില്ലയിലെ ഉണ്യാലില്‍ സംഘര്‍ഷം സൃഷ്‌ടിച്ച്‌ മതസ്ഥാപനം കൈയേറാന്‍ ശ്രമിക്കുന്നത്‌ ആരായാലും അവരെ നിയമത്തിനു മുന്നില്‍ കൊണ്‌ടുവരണം. വിവാദങ്ങളില്‍ പ്രസ്ഥാനത്തെ വലിച്ചിഴക്കുന്നത്‌ ഖേദകരമാണ്‌. മഹല്ലിലെ ഐക്യത്തിനും ജനങ്ങളുടെ സമാധാനപൂര്‍ണമായ സൈ്വര ജീവിത്തിനും ബന്ധപ്പെട്ടവര്‍ വഴിയൊരുക്കണമെന്നും സെക്രട്ടറിയേറ്റ്‌ ആവശ്യപ്പെട്ടു. ജില്ലാ പ്രസിഡന്റ്‌ പികെ എം സഖാഫി അദ്ധ്യക്ഷത വഹിച്ചു. വണ്‌ടൂര്‍ അബ്‌ദുറഹ്‌മാന്‍ ഫൈസി, സിപി സൈതലവി മാസ്റ്റര്‍, കൂറ്റമ്പാറ അബ്‌ദുറഹ്‌മാന്‍ ദാരിമി, പിഎം മുസ്‌തഫ മാസ്റ്റര്‍ കോഡൂര്‍, വടശ്‌ശേരി ഹസന്‍ മുസ്‌ലിയാര്‍, അലവി സഖാഫി കൊളത്തൂര്‍, കെടി ത്വാഹിര്‍ സഖാഫി, എ മുഹമ്മദ്‌ പറവൂര്‍, ടി അലവി പുതുപറമ്പ്‌ സംബന്ധിച്ചു.
Subscribe to:
Post Comments (Atom)
No comments:
Post a Comment
thank you my dear friend