| “മുല്‍തഖല്‍ അസാതിദ:” ജില്ലാമുദരിസ് സംഗമം പ്രൗഢമായി |
കോട്ടക്കല്‍: എസ്എസ്എഫ് ജില്ലാ കമ്മറ്റിയുടെ ആഭിമുഖ്യത്തില്‍ നടന്ന'മുല്‍തഖല്‍ അസാതിദ:'മുദരിസ് സംഗമം പ്രൗഢമായി. ഒക്‌ടോബര്‍ 9ന് നടക്കുന്ന സംസ്ഥാന മുതഅല്ലിം സമ്മേളനത്തിന്റെ ഭാഗമായിട്ടാണ് ജില്ലയിലെ മുദരിസുമാരുടെ സംഗമം നടന്നത്. കോട്ടക്കല്‍ സ്മാര്‍ട്ട് സിറ്റി ഓഡിറ്റോറിയത്തില്‍ സയ്യിദ് ഹബീബ് കോയ തങ്ങളുടെ അദ്ധ്യക്ഷതയില്‍ നടന്ന സംഗമം സമസ്ത കേരള ജംഇയ്യത്തുല്‍ ഉലമ സെക്രട്ടറി പൊന്മള അബ്ദുല്‍ഖാദിര്‍ മുസ്‌ലിയാര്‍ ഉദ്ഘാടനം ചെയ്തു. എസ്എസ്എഫ് സംസ്ഥാന പ്രസിഡന്റ് എന്‍.എം. സ്വാദിഖ് സഖാഫി പദ്ധതികള്‍ വിശദീകരിച്ചു. സമ്മേളനത്തിന്റെ ഭാഗമായി ജൂലൈ - ആഗസ്റ്റ് മാസത്തില്‍ ഡിവിഷന്‍ തലങ്ങളില്‍ മുതഅല്ലിം സംഗമം, വിജ്ഞാന പരീക്ഷ, സൗഹൃദ സംഗമം, ക്യാമ്പസ് യൂണിറ്റുകളില്‍ സമ്മേളന വിളംബരം തുടങ്ങിയ പരിപാടികള്‍ നടക്കും. സയ്യിദ് സൈനുല്‍ ആബിദീന്‍ സ്വാഗതവും എ.എ. റഹീം നന്ദിയും പറഞ്ഞു. |
Sunday, July 18, 2010
Subscribe to:
Post Comments (Atom)
No comments:
Post a Comment
thank you my dear friend