| പ്രവാചക സ്‌നേഹത്തിലൂടെ മാത്രമേ വിജയം വരിക്കാന്‍ കഴിയൂ- അലിക്കുഞ്ഞി ഉസ്താദ് |
ദേളി: പ്രവാചകരെ അവമതിക്കുന്ന പ്രസ്ഥാനങ്ങള്‍ക്ക് ഇസ്‌ലാമിന്റഎ പേരില്‍ പ്രവര്‍ത്തിക്കാന്‍ അര്‍ഹതയില്ലെന്നും പ്രവാചക സ്‌നേഹത്തിലൂടെ മാത്രമേ മുസ്‌ലിമിന് പരലോക വിജയം സാധ്യമാവുകയുള്ളൂവെന്നും സമസ്ത കേന്ദ്ര മുശാവറാംഗം ശൈഖുനാ എം അലിക്കുഞ്ഞി മുസ്‌ലിയാര്‍ പ്രസ്തവാവിച്ചു. ദേളി ജാമിഅ സഅദിയ്യയില്‍ റമളാന്‍ പ്രാര്‍ത്ഥനാ സമ്മേളനത്തില്‍ അധ്യക്ഷ പ്രസംഗം നടത്തുകയായിരുന്നു അദ്ധേഹം.തലപോക്കിയ പ്രവാകല നന്ദയ്ക്ക് വളം വെച്ചത് ഇസ്‌ലാമിന്റെ പേരില്‍ പ്രവര്‍ത്തിക്കുന്ന ചില പരിഷ്‌കരണ പ്രസ്ഥാനങ്ങളാണ്. പ്രവാചകരെയും അഹ്‌ലുബൈത്തിനെയും നിന്ദിക്കുന്നതില്‍ മത്സരിക്കുകയാണ് ബിദഈ കക്ഷികള്‍. വിശുദ്ധ റൗളയെപ്പോലും താറടിച്ചു കാണിക്കുന്നവര്‍ക്കെതിരെ വിശ്വാസികള്‍ജാഗ്രത പുലര്‍ത്തണം.അലിക്കുഞ്ഞി ഉസ്താദ് അഭിപ്രായപ്പെട്ടു. അല്ലാഹു മഹത്വം നല്‍കിയവരെ നിന്ദിക്കുന്നതിലൂടെ ഹൃദയത്തില്‍ നിന്ന് മതത്തിന്റെ ചൈതന്യം നഷ്ടപ്പെടുന്നു. അത്തരക്കാരില്‍ നിന്ന് പിന്നീട് നന്മ പ്രതീക്ഷിക്കുക സാധ്യമല്ല. ഈ വര്‍ഷത്തെ മദ്രസ പൊതു പരീക്ഷയില്‍ സംസ്ഥാനത്ത് ഒന്നാം റാങ്ക് നേടിയ സഅദിയ്യാ യതീംഖാന വിദ്യാര്‍ത്ഥി മുശ്താഖ് അഹ്മദിനും അധ്യാപകന്‍ മുഹമ്മദ് കുട്ടി മൗലവിക്കും സദര്‍ മുഅല്ലിം മൊയ്തു സഅദിക്കും സയ്യിദ് ഇബ്രാഹീം പൂക്കുഞ്ഞിതങ്ങള്‍, കെ.എസ്.എം പയോട്ട, ശരീഫ് കല്ലട്ര തുടങ്ങിയവര്‍ അവാര്‍ഡ് സമ്മാനിച്ചു. സഅദിയ്യ ആത്മീയ സമ്മേളന ബുള്ളറ്റിന്‍ ശാഫി ഹാജി കീഴൂര്‍ പ്രകാശനം ചെയ്തു. |
 |
Sunday, September 05, 2010
Subscribe to:
Post Comments (Atom)
No comments:
Post a Comment
thank you my dear friend