കുവൈത്ത്: സൃഷ്ടാവ് അല്ലാഹുവിന്റെ കലാമായ വിശുദ്ധ ഖുര്‍ആന്‍ അനിര്‍വചനീയമായ സൗന്ദര്യമാണെന്ന് അഖിലേന്ത്യാ സുന്നി ജംഇയ്യത്തുല്‍ ഉലമാ ജന:സെക്രട്ടരി കാന്തപുരം എ.പി അബൂബക്കര്‍ മുസ്ലിയാര് പറഞ്ഞു. കൃത്യമായ ഖണ്ഡിതസത്യങ്ങള്‍, തന്ത്രപ്രധാനമായ പ്രയോഗങ്ങള്‍,വാക്കുകള്‍,വാക്ക്യങ്ങള്‍, അടിമുടി അത്യാകര്‍ഷകവും, പ്രശംസനീയവുമായ ശൈലീ വിശേഷം എന്നിവ വിശുദ്ധ ഖുര്‍ആനിന്റെ മാത്രം പ്രത്യേകതകളാണ്. ഖുര്‍ആനില്‍ നിത്യവും പതിവാക്കേണ്ട പ്രധാനപ്പെട്ട സുറത്തുകളില്‍ ഒന്നാണ് യാസീന്‍ സൂറത്ത്. അല്ലാഹുവിന്റെ ഏകത്വവും, തൗഹിദും, വിശുദ്ധ പ്രവാചകരിലുള്ള വിശ്വാസവും അരക്കിട്ടുറപ്പിക്കുന്ന യാസീന്‍ സൂറത്ത് ഏത് കര്യം ഉദ്ദേശച്ചാണോ പരായണം ചെയ്യുന്നത് അത് സഫലമാക്കപ്പെടുമെന്നത് ഹദീസ് കൊണ്ട് സ്ഥിരപ്പെട്ടതാണെന്നും അദ്ദേഹം ഉദ്‌ബോധിപ്പിച്ചു. എസ്‌വൈഎസ് കുവൈത്ത് കമ്മിറ്റിയുടെ കീഴില്‍ നടത്തപ്പെടുന്ന സ്കൂള് ഓഫ് ഖുര്‍ആന്റെ രണ്ടാം ഘട്ടമായ സൂറത്ത് യാസീന്‍ കോഴ്‌സിന്റെ ഉദ്ഘാടനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം. കുവൈത്തിലെ വിവിധ ഏരിയകളിലായി പ്രത്യേകം നടത്തപ്പെടുന്ന സൂറത്ത് യാസീന്‍ കോഴ്‌സിന് നിരവധി പഠിതാക്കളാണ് പേര്‍ രജിസ്റ്റര്‍ ചെയ്തിട്ടുള്ളത്. തീര്‍ത്തും സൗജന്യമായി നടത്തപ്പെടുന്ന കോഴ്‌സിന ചേരാന്‍ ആഗ്രഹിക്കുന്നവര്‍ 99493803,66238315 എന്നീ നമ്പറുകളില്‍ ബന്ധപ്പെടേണ്ടതാണെന്ന് സംഘാടകര്‍ അറിയിച്ചു. എസ്‌വൈഎസ് ഓഫീസ് ഓഡിറ്റോറിയത്തില്‍ നടന്ന പരിപാടിയില്‍ പ്രസിഡണ്ട് അബ്ദുല് ഹകീം ദാരിമി അദ്ധ്യക്ഷത വഹിച്ചു. സ്കൂള് ഓഫ് ഖുര്‍ആന്‍ ഡയരക്ടര്‍ അഹ്മദ്.കെ.മാണിയൂര്‍, കെ. നിസാര്‍ മൗലവി തുടങ്ങിയവര്‍ പങ്കെടുത്തു. ശുക്കൂര്‍ കൈപുറം സ്വാഗതവും, ഹബീബ് രാങ്ങാട്ടൂര്‍ നന്ദിയും പറഞ്ഞു.
ദുബൈ: തീഷ്ണമായ പരീക്ഷണങ്ങള്‍ക്കും ത്യാഗപങ്കിലമായ അനുഭവ യാര്‍ത്ഥ്യങ്ങള്‍ക്കും വിധേയമായ തന്റെ ജീവിതംലോകത്തിന് മുന്നില്‍ നിഷ്കളങ്കമയി സമര്‍പിച്ച ഇബ്രാഹിം നബിയുടെ പാത പിമ്പറ്റലാണ് വിജയ നിതാനമെന്നും അതുപേക്ഷിച്ച ആധുനിക സമൂഹം ഇതര കാരണങ്ങള്‍ പറഞ്ഞ് വിലപിച്ചിട്ട് ഫലമില്ലെന്നും ജാമിഅ സഅദിയ്യ അറബിയ്യ കേന്ദ്ര പ്രതിനിധി കൊല്ലമ്പാടി അബ്ദുല്‍ഖാദിര്‍ സഅദി പ്രസ്ഥാവിച്ചു. എസ് വൈ എസ് കാസറഗോഡ് ജില്ലാ ദുബൈ കമ്മിറ്റി സഅദിയ്യ ഓഡിറ്റോറിയത്തില്‍ സംഘടിപ്പിച്ച ഈദ് മീറ്റില്‍ സംസാരിക്കുകയായിരുന്നു അദ്ധേഹം. ഗയ്യിദ് ഇബ്രാഹീമുല്‍ഹൈദ്രൂസി (കല്ലക്കട്ട തങ്ങള്‍) പ്രാര്‍ഥനക്ക് നേതൃത്വം നല്‍കി. മുഹമ്മദ് സഅദി കൊച്ചി, കരീം തളങ്കര, കന്തല്‍ സൂപ്പി മദനി, ഇബ്രാഹിം കളത്തൂര്‍, വൈ അബ്ദുല് ഖാദിര്‍ എരോല്‍, എ ആര്‍ മുട്ടത്തോടി, അഹ്മദ് ചെട്ടുംകുഴി തുടങ്ങിയവര്‍ സംസാരിച്ചു. 
